Språkhuset til Bærum mållag var eit av mange fargerike innslag under byfesten i Sandvika laurdag 26. august 2006. Språkkavalkade og kåringa av bærumsordet 2006 var bare nokre av tilboda medlemene i mållaget ga byfestdeltakarane denne dagen. Språkforskar Arne Torp ga tilhøyrarane prøver på korleis talemålet har høyrt ut her i landet gjennom tusen år. Han tala slik folk gjorde på 1500-talet, og sa fram smakebitar på korleis norrønt og urnordisk kan ha lydd.

Dei frammøtte kunne også prøve dialektspel på PC, og røyste fram sitt beste bærumsord. Juryen kunne slå fast at det også i år vart eit stadnamn som gjekk av med sigeren.

Flest stemmer under kåringa fekk "Kalvøya". Sonja Bryndal frå Sandvika blei trekt ut blant dei som røysta fram sigersordet, og ho vann dermed førstepremien, den rykande ferske nynorskordboka frå Samlaget. På andreplass kom ungdomsordet "Keeg", stemt fram av m.a. Åsmund Hugo frå Avløs. Han fekk overrekt jubileumskopp frå Noregs Mållag. Det same gjorde tredjepremievinnar Nils Petter Haug frå Bærums Verk for ordet "lommedøl".

Vi viser to bilete frå byfesten:

Torp

1.Språkkavalkade ved Arne Torp - språkforskar ved Universitetet i Oslo - utanfor bua til Bærum Mållag. Han gav eksempel på 1500-tals norsk, gammalnorsk og urnordisk.

BMJury

2.Her annonserer juryen bærumsordet 2006. Kalvøya fekk flest stemmer. Ordet keeg ("kul") kom på andreplass og lommedøl på tredjeplass. Juryen besto av f.v. Arne Torp, Marit Hovdenak frå Bærum Mållag og Stig Olai Kapskarmo frå Bærum kommunestyre.

Tilbake til framsida